【活動回顧】環境及自然保育基金資助 食享沙田 —— 街市回收體驗推車仔、救蔬菜！
2025年12月31日
回顧上個月，馬鞍山崇真中學嘅同學仔走出課室，由朝氣勃勃嘅學生變身成為環保回收員，參與咗兩次街市回收體驗，親身感受「惜食」嘅真正意義！
從體驗中學習：回收工作一啲都唔簡單，推車、磅重、篩選分類... 全部都要親力親為。同學們喺過程中明白到，將仍可食用蔬菜回收轉贈，唔單止係環保，更加係減少對環境造成嘅影響。
被商戶「追住」嘅感動：街市充滿人情味！商販見到係學生做體驗，都特別照顧。原本隊伍已經行過咗，竟然有好幾檔店員熱心追出嚟，堅持要將蔬菜交比同學手中！
大家都覺得好感動，原來只要多行一步，即使賣相唔係最佳狀態嘅過盛食物，都可以變成有價值嘅資源。
同學心聲 ：「見到咁多新鮮蔬菜原本要送去堆填區，覺得好浪費。以後食嘢真係要清完整個碗，學識更加珍惜食物！」
感謝商戶嘅信任，願意將過盛嘅蔬菜捐出，令社區更有愛！ 如果你都想參與咁有意義嘅活動，記得密切留意我哋專頁啦！